捐血運動 -- 當日

想當年(唔係好耐啫...), 捐血有一個可愛的血仔貼紙. 上面寫住"be nice to me, i gave blood today". 為了得到呢一個貼紙. 當時十六歲的我. 未得家人同意 (唔好學我呢....). 便走去捐血. 呢個貼紙. 成為紅十字會收集品中最重要的一個. 保留至今. 雖然第一次捐血唔係因為o的咩偉大的"捐血救人"的理念. 但也成了恒常的捐血者. 除非因為身體條件不合適. 否則也會四個月見護士姐姐一面.

總覺得可以捐血是一種福氣. 因為捐血的過程要"過五關. 斬六將":
1. 要過頭關. 若過去一個星期需要定時服藥的話. 冇得攞表格...

2. 要填個人資料. 完成一份四版紙的健康審查.

3. 見護士證明基本健康條件ok.

4. 篤手指驗血紅素指數.

5. 仲要入到針先捐到血. 仲要唔係人人可以捐450cc.

一個好漫長的過程. 少o的耐性都唔得.

好多人雖然有心. 但因為健康問題 (e.g. 肝炎) 已斷定終身不能捐血. 去左o的較敏感的地方 (e.g. 有疫症的)又唔捐得. 有時又會因為鐵質太低. 致血紅素不足. 等左大半粒鐘. 先係篤手指度fail~ (-___-)"
今次堂區搞的捐血運動. 有八十多人o黎. 但其中二十多人. 就係因為呢o的問題. 而"冇得留低". 由9:30至2:00. 一共有61人成功捐血.

雖然天氣炎熱. 但組員們很努力的在外提醒教友們捐血日的來臨. 並帶他們到明愛副堂來.

當然. 更加要感激各熱心人士的耐性. 雖然等候需時. 但他們也沒抱怨半句. 還要帶著笑臉. 來迎合我們的相機~

不能忘記的是一眾第一次捐血的人. 他們是抱著戰戰兢兢的心情被我們"挾持"入副堂的. 沒想過. 他們休息時的第一句話係: 唔痛架!!

good. 捐血係唔痛架~ 三/四個月後希望o係o的捐血站見到大家.